Ғизои мактабӣ: ғамхорӣ, ки аз хона оғоз меёбад.

Хӯроки нисфирӯзии мактаб – гарави саломатӣ
Кӯдакон ояндаи мо ҳастанд ва ғамхорӣ дар бораи онҳо аз ғизои онҳо оғоз мешавад. Таҳқиқоти сершумори табибон ва омӯзгорон нишон медиҳанд, ки кӯдаконе, ки дар мактаб хӯроки нисфирӯзии серғизо намегиранд, бештар аз хастагӣ, дардҳои меъда ва сар шикоят мекунанд. Набудани хӯроки гарм ба саломатй ва қобилияти таълими онҳо бевосита таъсир мерасонад. Хӯроки серғизо на танҳо ғизо, балки энергия барои як рӯзи муваффақ, барои тамаркуз ва рушд аст. Кӯдаконе, ки хӯроки нисфирӯзии гарми мактабӣ мегиранд, 20% камтар хастагии худро эҳсос мекунанд ва ба натиҷаҳои беҳтари таълимӣ ноил мешаванд.

Пас аз мактаб: камбудиҳо дар ғизо
Вақте ки кӯдак ба хона бармегардад, чӣ мешавад? Хӯроки нисфирӯзии мактабӣ танҳо як қисми тарзи ҳаёти солим аст ва дастгирӣ дар хона низ барои таъмини натиҷаҳо муҳим аст. Бисёре аз кӯдакон бартарӣ медиҳанд, ки ба ҷои хӯроки нисфирӯзӣ бо шириниҳо ё нонпазӣ хӯрок хӯранд. Натиҷаи хамин аст, ки кариб 40 фоизи бачаҳо камтар аз нисфи микдори зарурӣ сабзавоту мева мегиранд. Чунин норасоиҳои ғизоӣ метавонад ба консентратсияи суст, тағйирёбии рӯҳ ва паст шудани иммунитет оварда расонад..

Чӣ тавр ба кӯдак кӯмак кардан мумкин аст? Маслиҳатҳо барои волидон
Саломатии фарзанди шумо дар дасти шумост ва одатҳое, ки имрӯз пайдо мекунед, дар тӯли умраш ӯро ҳамроҳӣ хоҳанд кард. Ташаккули ғизои солим бояд аз хона оғоз шавад ва дар ин ҷо намунаи оилавӣ нақши муҳим мебозад.

• Муҳимияти ғизои солимро фаҳмонед.
  Кӯдакон, ки мефаҳманд, ки чӣ гуна ғизо ба бадани онҳо таъсир мерасонад, хӯрокҳои солимро худашон интихоб мекунанд.


• Якҷоя пухтан
  Якҷоя пухтупаз на танҳо шавқовар аст, балки имконест, ки ба фарзандатон тарзи пухтани хӯрокҳои солимро ҳангоми инкишоф додани одатҳои хуб омӯзонед.


• Намуна бошед.
  Кӯдак агар бинад, ки калонсолон гӯшти бирёнро афзалтар медонанд, сабзавот намехӯрад. Интихоби шумо ҳамчун ғизои солим барои тамоми оила одати хуб шавад.

Аз имрӯз оғоз кунед!
Ғизои хушсифат ва дуруст на танҳо гарави саломатӣ, балки роҳи зиндагии беҳтари фарзанди шумост. Хӯрокҳои болаззат ва солим тайёр кунед, дар бораи фоиданокии хӯрокҳои гуногун бо фарзандатон муҳокима кунед ва бо тамоми оила фаъолона вақт гузаронед. Ҳатто тағйироти оддӣ, аз қабили сайругашти якҷоя ё интихоби мева дар бозор, метавонанд ба беҳтар шудани саломатии шумо ва гузоштани замина барои ояндаи солим мусоидат кунанд.

Мехоҳед дар бораи тарзи солим ва мутавозини ғизои кӯдаки худ маълумоти бештар гиред? Маслиҳатҳо ва тавсияҳои муфассал шуморо дар маводи мо интизоранд. Мо якҷоя метавонем барои ояндаи солим ва хушбахти фарзандони худ замина фароҳам орем!